Merz pas takimit me Trump: Themele për një bashkëpunim të frytshëm në prag të samiteve të G7 dhe NATO-s

Kancelari gjerman Friedrich Merz e vlerësoi pozitivisht takimin e zhvilluar me Presidentin e Shteteve të Bashkuara të Amerikës Donald Trump. Takimi u mbajt në Shtëpinë e Bardhë.

Merz deklaroi se është i kënaqur me bisedimet që patën.

Siç theksoi ai, diskutimi hodhi themelet për një bashkëpunim të frytshëm në prag të samiteve të ardhshme të G7 dhe NATO-s.

“Po largohem me ndjesinë se kam gjetur tek presidenti amerikan një bashkëbisedues me të cilin mund të komunikoj shumë mirë në një nivel personal”, tha ai.