Meta: Te miratohet Gjykata e Larte dhe reforma parlamentare Qamil Xhani
Kryetari i Levizjes Socialiste per Integrim, Ilir Meta, ka deklaruar se brenda kohes se mbetur politika duhet te zbatoje reformat per marrjen e statusit te vendit kandidat. Ne nje prononcim dhene per mediat gjate takimit te Partise Europiane Socialiste, ne Bruksel Meta ka theksuar se klasa politike shqiptare duhet t'i jape mundesine Komisionit Europian qe te jape nje vleresim pozitiv per Shqiperine duke realizuar reformat. "Une shpresoj dhe besoj se ne ditet qe kane mbetur keto ceshtje me konsensus dhe me vullnet te zgjidhen, te tejkalohen, dhe komisioni te kete mundesine qe te beje nje propozim sa me pozitiv per Shqiperine", - u shpreh Meta. Ai ka theksuar se pavaresisht debateve, pjesa me e madhe e rekomandimeve te Bashkimit Europian eshte plotesuar nga Shqiperia. "Pjesa me e madhe e 12 prioriteteve tashme jane realizuar apo plotesuar pavaresisht se mbeten ende disa ceshtje te rendesishme sikurse eshte miratimi i ligjit per Gjykaten e Larte, miratimi i rregullores se procedurave parlamentare", - u shpreh Meta. Kreu i LSI-se ka theksuar se ne takimin me drejtuesit e partive te majta te Ballkanit Perendimor, komisioneri per Zgjerimin, Stefan Fyle, ka dhene mbeshtetje per integrimin e tyre ne Bashkimin Europian. Fyle ka theksuar se zgjerimi i BE-se nuk do te ndalet, por u takon vendeve perkatese qe te bejne reformat qe u jane caktuar. "Komisioneri shprehu faktin se natyrisht politikat e zgjerimit zhvillohen ne nje terren dhe ne nje kontekst me te veshtire se ne te kaluaren per shkak te sfidave te reja, me te cilat ndeshet Europa, por absolutisht ai u shpreh inkurajues per vazhdimin e zgjerimit, natyrisht bazuar ne meritat individuale te cdo vendi", - u shpreh kreu i LSI-se. Kreu i LSI-se ka folur dhe per takimin e tij me kreun e PS-se, Edi Rama, i cili ndodhet si perfaqesues i PS ne takimin e Partive Europiane Socialiste. Meta ka theksuar se ne kete takim ka shkuar per te takuar gjithe drejtuesit e partive te majta, duke mos perjashtuar dhe kreun e PS. "Une jam ketu per t'u takuar me te gjithe drejtuesit e partive socialiste dhe socialdemokrate te Ballkanit e te Europes dhe eshte normale qe te takohemi edhe me kryetarin e Partise Socialiste te Shqiperise", - tha kreu i LSI-se. Meta ka theksuar dy dite me pare edhe ne takimin e zhvilluar me drejtuesit e partive te majta per Ballkanin se Shqiperia e meriton marrjen e statusit te vendit kandidat. Ai ka shtuar se zgjerimi i BE-se ne Ballkan, i sherben rajonit per te garantuar stabilitet.