Mjeti lundrues pësoi defekt në Gjirin e Kakomesë, Kapiteneria e Portit Sarandë në ndihmë të turistëve

TIRANË, 26 gusht/ATSH/ Kapiteneria e Portit Sarandë iu përgjigj pasditen e sotme një kërkese për ndihmë nga një grup turistësh shqiptarë dhe të huaj, pasi mjeti i tyre lundrues pësoi defekt në motor, në Gjirin e Kakomesë.

Menjëherë u nis mjeti lundrues i Kapitenerisë, i cili bëri rimorkimin e mjetit drejt Gjirit të Limionit, duke siguruar mbërritjen e tyre të sigurt.

Kapiteneria e Portit Sarandë u bën thirrje të gjithë drejtuesve të mjeteve lundruese që të kryejnë kontrollet e nevojshme përpara nisjes, për të siguruar lundrime të qeta e të sigurta.

“Kapiteneria mbetet në dispozicion për çdo kërkesë apo nevojë të qytetarëve dhe turistëve”, thuhet në njoftimin për shtyp.

1 nga 2

/m.m/r.e/