“Moment i dhimbshëm për ne”/ Orban pranon humbjen në zgjedhje

Kryeministri në largim i Hungarisë, Viktor Orbán, ka pranuar humbjen në zgjedhje, duke e cilësuar rezultatin si të qartë dhe të dhimbshëm për kampin e tij.

“Rezultatet janë të qarta, është një moment i dhimbshëm për ne,” deklaroi Orbán, ndërsa konfirmoi gjithashtu se i ka uruar fitoren forcës politike rivale të udhëhequr nga Péter Magyar.

Ky reagim vjen pas publikimit të rezultateve zyrtare, të cilat shënojnë një kthesë të rëndësishme në skenën politike hungareze.

Partia Fidesz,  Viktor Orbán, parashikohet të sigurojë vetëm 59 mandate, duke pësuar një rënie të ndjeshme krahasuar me rezultatet e mëparshme.

Numërimi i votave vijon, ndërsa rezultati përfundimtar pritet të përcaktojë nëse opozita do të arrijë shumicën e cilësuar që do t’i mundësonte ndryshime të rëndësishme në drejtimin politik të vendit.