Nën hetim për dosjen e SASPAC, arrestohet në Rinas Gazmend Haxhia
Biznesmeni Gazmend Haxhia, një nga përfituesit në mënyrë abusive të fondeve të BE përmes agjencisë SASPAC që drjetohej nga Ilir Beqaj, është arrestuar këtë të hënë në Rinas.
Haxhia ishte i vetmi person nga 7 masat e sigurisë që nuk ishte ekzekutuar për shkak se ai nuk ndodhej në banesë. Ndaj tij, Gjykata e Posaçme kishte caktuar masën arrest shtëpie. Saspo Gazmend Haxhi ka mbërritur në Rinas ai është arrestuar dhe shoqëruar në ambjentet e Policisë së Tiranës ku do të njihet me masën e sigurisë.
Haxhia është pronar i kompanisë ‘Landways International’ i akuzuar nga SPAK si bashkëpunëtor i ish-ministrit Ilir Beqaj në dosjen e shpërdorimit të fondeve të BE-së. Prokuroria e Posaçme shprehen në dosje se Beqaj si drejtues i SASPAC i dha 125 mijë € kompanisë së biznesmenit Haxhia për organizimin e një konference turizmi, “Festa”. Por për të njëjtin event, edhe Ministria e Turizmit pagoi 38.5 mln lekë, dhe nga mbi 500 mijë € tenderë, u shpenzuan 4.2 mln lekë për një darke. /vizionplus.tv