Netanyahu mbërrin në rezidencën Mar-a-Lago, takohet me Trump, presidenti i SHBA: Duhet çmilitarizuar Hamasi
Kryeministri izraelit Benjamin Netanyahu ka mbërritur në Mar-a-Lago, rezidencën luksoze të presidentit amerikan Donald Trump, për të zhvilluar një takim me këtë të fundit.
Jashtë rezidencës, Trump dhe Netanyahu u janë përgjigjur interesimit dhe pyetjeve të gazetarëve.
Një gazetar e pyeti Trumpin se sa shpejt mund të kalonte në fazën e saj të dytë marrëveshja e armëpushimit në Gaza.
“Sa më shpejt që të mundemi, por duhet të ketë demilitarizim”, u përgjigj ai.
“Ne duhet ta çmilitarizojmë Hamasin. Është një nga çështjet që patjetër do ta diskutojmë, por duhet të ketë çmilitarizim të Hamasit.”
Kur gazetarët e pyetën nëse do të jepte “dritën jeshile” për një sulm tjetër ndaj Iranit, Trump nuk u përgjigj. Presidenti amerikan heshtte për një periudhë kohore përpara se t’i përgjigjej një pyetjeje tjetër.
Disa ditë më parë, zyra e kryeministrit izraelit publikoi një video të inteligjencës artificiale në të cilën ai dhe Donald Trump po udhëtonin në një bombardues B-2, i njëjti që u përdor gjatë operacionit amerikan “Midnight Hammer” kundër objekteve bërthamore iraniane në korrik./vizionplus.tv