Netanyahu të hënën në Shtëpinë e Bardhë! Zbardhen temat e diskutimit

Kryeministri izraelit Benjamin Netanyahu do të vizitojë Uashingtonin dhe do të diskutojë tarifat e SHBA-së të vendosura nga presidenti amerikan Donald Trump, ndër çështje të tjera, tha të shtunën zyra e liderit izraelit.

Katër zyrtarë izraelitë dhe një zyrtar i Shtëpisë së Bardhë thanë më parë se Netanyahu do të takohej me Trump të hënën, sipas Reuters.

Vizita mund të jetë përpjekja e parë e një udhëheqësi të huaj për të negociuar një marrëveshje me Trump për heqjen e tarifave.

Zyra e Netanyahut tha në një deklaratë se kryeministri, i cili po viziton Hungarinë , do të niset për në Uashington të dielën.

Takimi i Trump do të përfshijë gjithashtu marrëdhëniet Izrael-Turqi, Iranin, përpjekjet e Izraelit për të liruar pengjet në Gaza dhe betejën e Izraelit kundër Gjykatës Penale Ndërkombëtare, thuhet në deklaratë