Numërohen 100% e votave të rregullta në Kosovë
PRISHTINË, 30 dhjetor/ATSH/ Komisioni Qendror i Zgjedhjeve ka procesuar 100 për qind të rezultateve paraprake të zgjedhjeve të jashtëzakonshme.
Sipas rezultatit preliminar, Lëvizja Vetëvendosje është fituese e zgjedhjeve të 28 dhjetorit, me 433 mijë e 394 vota.
E dyta radhitet Partia Demokratike e Kosovës me 184 mijë e 318 vota, për t’u pasuar nga Lidhja Demokratike e Kosovës, e cila ka marrë 119 mijë e 201 vota.
Ndërkaq Aleanca për Ardhmërinë e Kosovës ka marrë gjithsej 49 mijë e 698 vota.
/KosovaPress//r.e/