Oferta e Rames tallje me megafon Rozeta Rapushi
Kryeministri Sali Berisha eshte ne pritje te nje propozimi zyrtar nga opozita ne lidhje me terheqjen e saj te fundit nga kerkesa per hapjen e kutive te fleteve te votimit te 28 qershorit 2009. Ne te kundert sipas tij Partia Socialiste dhe kreu i saj tregojne se po tallen me shqiptaret. Une nuk e paragjykoj por nese opozita nuk sjell nje propozim zyrtar ne Parlament atehere per mua do te thote se ata po tallen me qytetaret. Une e pres. Nese ka ndonje prapavije tjeter deklarata e tyre per te mos e paraqitur dokument atehere nuk eshte gje tjeter vecse nje megafon-tha kryeministri Sali Berisha i kthyer nga Lisbona ku mori pjese ne Samitin e NATO-s. Ai e beri te qarte se per propozimet publike qe Edi Rama ka bere se PS nuk kerkon me hapjen e kutive te fleteve te votimit ai pret propozim zyrtar. Berisha theksoi se ne baze te procedurave ligjore opozita duhet ta dorezoje dokumentin ne Parlament duke e garantuar se mazhoranca dhe ai vete do ta shqyrtojne me seriozitetin qe meriton. Une nuk e kam per shtat politiken e megafonit. Cdo kerkese e paraqitur ne perputhje me proceduren ligjore ne Parlament nga PS do te shqyrtohet me seriozitetin e merituar. Parlamenti nuk ka cfare te beje sepse opozita nuk ka derguar asnje dokument. Ta dorezoje dokumentin skam paragjykim ai do te shqyrtohet ne perputhje me ligjet e vendit theksoi kryeministri. Nga ana tjeter ai beri te qarte se parimet e partise qe drejton Partise Demokratike jane dy kryesore. Se pari respekt te plote te ligjit dhe Kushtetutes dhe se dyti respekt te plote te te drejtave te opozites. Kete qendrim Berisha e beri publik edhe disa dite me pare para nisjes per ne Lisbone. Ai theksoi se mazhoranca qe drejton do te prononcohet vetem pasi te kete nje dokument zyrtar perpara. Duke mos i besuar keshtu fjaleve te kryetarit socialist Edi Rama te thena fillimisht ne Asamblene Kombetare te PS-se se nuk kerkon me fletet e votimit dhe me pas te qartesuara edhe ne ditet ne vijim. Manite muzeale te te tjereve une nuk kam ndermend ti komentoj. I kam shprehur te kristalta qendrimet e mia per kete ceshtje. Sidoqofte jam i vendosur dhe e garantoj opoziten se do te shqyrtohet cdo dokument i saj me seriozitetin e duhur beri te qarte edhe nje here kryeministri. Tashme pritet vetem nje hap i opozites per ta konkretizuar propozimin e saj te deklaruar publikisht per te mundur te ecet drejt nje zgjidhjeje te mundshme te ngercit politik. Deri me sot hapja e kutive te fleteve te votimit ka qene debati ku ngecen dy forcat politike PD-PS pas zgjedhjeve parlamentare.