“Paç fat”, mesazhi i Donald Trump për udhëheqësin suprem të Iranit, pas refuzimit për t’u dorëzuar

Presidenti amerikan Donald Trump i ofroi një mesazh udhëheqësit suprem të Iranit kur u pyet për komentet e fundit nga Ajatollah Ali Khamenei se vendi i tij “nuk do të dorëzohet kurrë” në konfliktin me Izraelin.

“Unë them, paç fat”, tha presidenti Donald Trump për CNN në Shtëpinë e Bardhë.

Reporter: “Mr. President, what do you say to the Supreme Leader of Iran who says that they will not surrender?”

Trump: “I say, ‘Good luck.'” pic.twitter.com/KYJ1bS95kW

— Open Source Intel (@Osint613) June 18, 2025

I pyetur se kur do të mbarojë durimi i tij me Iranin, Trump tha: “Tashmë ka mbaruar – prandaj po bëjmë atë që po bëjmë”. Këto komente vijnë ndërsa ka raportime se Trump po bëhet gjithnjë e “më i afërt” për përdorimin e aseteve ushtarake amerikane për të goditur objektet bërthamore iraniane dhe po heziton për idenë e një zgjidhjeje diplomatike për t’i dhënë fund konfliktit në rritje të Teheranit me Izraelin.

Megjithatë, presidenti tregoi se “asgjë nuk është tepër vonë” kur bëhet fjalë për një zgjidhje diplomatike.

Trump tha gjithashtu se ka folur çdo ditë me kryeministrin e Izraelit Benjamin Netanyahu, duke bërë lavdërime rreth homologut të tij.

Presidenti Donald Trump thotë se e ka inkurajuar kryeministrin izraelit Benjamin Netanyahu të vazhdojë fushatën e tij në Iran.

“Unë i thashë: Vazhdo”, tha Trump kur u pyet për mesazhin e tij drejtuar udhëheqësit izraelit mes tensioneve në rritje rajonale.

“Unë flas me të çdo ditë”, vazhdoi Trump. “Ai është një njeri i mirë, që bën shumë”.

Ndërsa i pyetur nëse i kishte dhënë Netanyahut ndonjë shenjë se mund ta ndihmojë vendin përtej asaj që ka bërë tashmë, Trump tha se nuk e kishte bërë.