Plumba lokalit në Fushë Krujë/ Në vendngjarje, 15 gëzhoja. Mond Voga ishte me familjen në momentin e atentatit

Ndaj një lokali në fshatin Krastë të Fushë Krujës, u qëllua me armë zjarri nga disa persona të paidenfitikuar, në orët e para të mëngjesit të së premtes.

Gazetari i ABC News, Ervin Leka raporton se në vendngjarje janë gjetur 15 gëzhoja.

Ndërkaq, në momentin e atentatit, pronari i lokalit, Mond Voga ka qenë aty së bashku me bashkëshorten dhe fëmijët e tij.

Voga është ish shoferi i Arjan Ndoj, tashmë deputet i PD, dhe të cilit iu bë atentat në vitin 2019, kur ishte prokuror./abcnews.al