Pogradec/ Humb jetën një i moshuar në plazh, dyshohet se pësoi infarkt

Një ngjarje e rëndë është shënuar këtë të enjte në një plazh në hyrje të qytetit të Pogradecit.

Një i moshuar ka humbur jetën, pasi dyshohet se pësoi infarkt menjëherë pasi hyri në ujërat e liqenit.

Në vendngjarje mbërritën shërbimet e Policisë dhe ekipi mjekësor, të cilët kryen për një kohë manovrat e reanimimit, por fatkeqësisht nuk arritën t’i shpëtonin jetën.

Policia po punon për zbardhjen e plotë të rrethanave të ngjarjes, ndërsa paraprakisht dyshohet se vdekja ka ardhur për shkaqe natyrale si pasojë e një infarkti.

/vizionplus.tv