“Presidenti i ri, përgjegjësi e Kurtit”/ PDK: Ne kemi prioritet ndryshimin e Ligjit për Specialen
Veprimet konkrete në mbështetje të ish krerëve të uçk pas dënimit nga Gjykata Speciale dhe presidenti i ri deri më 6 tetor janë dy temat kryesore të zhvillimeve në Kosovë.
Megjithatë, për zgjedhjen e kreut të ri të shtetit, Partia Demokratike e Kosovës thotë se është përgjegjesi e Albin Kurtit, dhe se për ta tani prioritet është ndryshimi i ligjit për Gjykatën Speciale.
“Përgjëgjësi për zgjedhjen e presidentit dhe shkuarjen në zgjedhje të reja është Albin Kurti. Nuk duhet as me guxu me mendu që me lidh ligjin me president. Ligji është obligim kombëtar i yni.
Tahiri, ka kërkuar të sillet sa më shpejt në Kuvendin e Kosovës Ligji për Dhomat e Specializuara, i cili tashmë është dorëzuar pranë qeverisë.
‘Nga këtu, u bëj apel të gjitha partive politike për maturi politike, përgjegjësi, unitet dhe kontribut konkret. UÇK-ja është e secilit shqiptar. UÇK-ja është e të gjitha partive politike. Është e popullit dhe për këtë duhet të angazhohemi të gjithë. Ky proces kërkon unitet, përgjegjësi dhe veprime konkrete.”
Konferenca vjen pas unifikimit të spektrit politik në Kosovë për deklaratën që e konsideroi të papranueshme vendimin e Dhomave të Specializuara për katër ish krerët e UÇK.
Deklarata ka qëndrim simbolik dhe një mesazh politik, por në vend nuk është iniciuar ende asnje veprim konkret për mbrojtjen e katërshes në Apel.
Ndërsa për presidentin, ende nuk ka asnjë lëvizje konkrete, duke rrezikuar që vendi të shkoj sërish në zgjedhje në mes të nëntorit.