Pronat shteterore, si behet shitja Rozeta Rapushi

Qeveria percaktoi dje kritere te posacme per vleresimin e pronave shteterore, qe privatizohen apo transformohen per proceduren e shitjes. Duke i lene sigurisht perparesine per te drejten e parablerjes pronareve truallit ne vleren fillestare. Procedura e shitjes se prones, sipas vendimit te djeshem te qeverise, nis pasi Drejtoria e Administrimit dhe Shitjes se Pronave Publike, ne Ministrine e Financave, e pranon dosjen e vleresimit per objektin qe do te privatizohet, nese per kete objekt ka dokumentacion te rregullt. Pas kesaj, per rastet kur konfirmohet se objekti ndodhet ne truallin e subjekteve te shpronesuara, shitja behet pa ankand dhe subjektet e shpronesuara te truallit, ne zbatim te ligjit "Per kthimin dhe kompensimin e prones", te ndryshuar, kane te drejten e parablerjes se objektit me vleren fillestare. Ne kete rast, Drejtoria e Administrimit dhe Shitjes se Pronave Publike, ne Ministrine e Financave, afishon nje njoftim ne mjediset e saj, per nje afat 20 - ditor, vetem per pronaret e truallit, ndersa dega e shoqerive publike ne mjediset e saj dhe ne objekt. Por ne rastet kur subjektet e shpronesuara te truallit, pas afishimit te njoftimit nuk paraqesin dokumentet e pronesise, deri ne afatin e percaktuar ne njoftim, behet nje njoftim i dyte, ne dy gazeta me qarkullim kombetar, duke i percaktuar nje afat te ri, prej 30 (tridhjete) ditesh, nga data e njoftimit te pare. Nese edhe ne kete afat te dyte pronari nuk paraqitet, atehere kryhet shitja e objektit dhe e truallit me ankand, sipas procedurave te percaktuara ne kete vendim. Vlera e truallit, e percaktuar sipas hartes se vleres, i shkon drejtperdrejt pronarit per kompensim financiar. Sipas vendimit, per rastet kur konfirmohet se objekti, qe privatizohet, nuk ndodhet ne truallin e subjekteve te shpronesuara, si dhe per rastet kur Agjencia e Kthimit te Pronave, nuk eshte ne gjendje te konfirmoje pronesine e truallit per objektin qe privatizohet, atehere ai i nenshtrohet ankandit, sipas procedurave te ketij vendimi. "Kur ne daten e zhvillimit te ankandit paraqitet subjekti i shpronesuar i truallit me dokumentacionin ligjor, qe verteton pronesine e truallit te objektit, atehere subjekti i shpronesuar gezon te drejten e parablerjes, me vleren fillestare te objektit", percaktohet ne vendim. Ne ankandet per shitjen e pasurive te shoqerive ne likuidim e siper nuk zbatohet e drejta e parablerjes per ish-pronaret e truallit. Ata marrin pjese ne ankand si te gjithe te tjeret. Gazeta "Koha Jone", publikon te plote vendimin e qeverise te miratuar ne mbledhjen e djeshme per "Kriteret e vleresimit te prones shteterore, qe privatizohet apo transformohet dhe per proceduren e shitjet".