Protesta për Zvërnecin hyn në ditën e 13-të, qytetarët protestojnë para Kryeministrisë

Protesta kundër projektit për investimin  në zonën e Zvërnecit ka hyrë në ditën e saj 13-të radhazi. Protestuesit janë mbledhur sërish në kryeqytet për të shprehur qëndrimin e tyre kundër investimit të planifikuar ku kanë kërkuar ndryshime rrënjësore politike e ligjore.

Marshimi ka nisur fillimisht me grumbullimin e qytetarëve në sheshin “Skënderbej”, dhe më pas janë drejtuar përgjatë bulevardit “Dëshmorët e Kombit”.

Me pankarta në duar, flamuj dhe thirrje kundër qeverisë e klasës politike në tërësi, demonstruesit u ndalën përpara godinës së Kryeministrisë.

Gjatë fjalimeve të mbajtura përpara zyrës së kreut të qeverisë, organizatorët dhe pjesëmarrësit nuk do të tërhiqen pa marrë përgjigje për pikat e tyre.

Sipas protestuesve në shesh, janë pesë kërkesa kryesore të cilat ata i konsiderojnë si plotësisht të pa negociueshme:

Dorëheqja e menjëhershme e kryeministrit Edi Rama.

Krijimi i një Qeverie Teknike.

Shfuqizimi i Ligjit për Zonat e Mbrojtura.

Shfuqizimi i Ligjit për Investimet Strategjike.

Anulimi i plotë i projektit të njohur si “Paketa e Maleve”.

/rtsh.al/