Raportuesi për Kosovën në PE: Kurti të tregohet burrështetas, të ndërtojë koalicion funksional dhe të sigurojë zgjedhjen e presidentit

PRISHTINË, 7 korrik /ATSH/ Raportuesi i Parlamentit Evropian për Kosovën, Riho Terras, pas takimeve me kryetarin e LDK-së Lumir Abdixhiku dhe me kryetarin e Aleancës Ardian Gjini, ka publikuar fotografi dhe e ka inkurajuar kryeministrin në detyrë, Albin Kurti, të tregohet “burrështetas për të ndërtuar një koalicion funksional dhe për të siguruar zgjedhjen e presidentit”.

Terras ka deklaruar se “Kosova ka nevojë për institucione të qëndrueshme për të ecur përpara në rrugën drejt BE-së”.

/KosovaPress/