Realizohet me sukses heqja e një tumori epidural, Rama: Një tjetër histori suksesi nga shërbimi i neurokirurgjisë në QSUNT

Një ndërhyrje e rëndësishme është realizuar nga Shërbimi i Neurokirurgjisë në QSUNT, nëpërmjet pajisjeve të teknologjisë së avancuar. Kryeministri Edi Rama ka ndarë lajmin në Facebook, ndërsa vlerëson punën e mjekëve, të cilët realizuar me sukses heqjen e një tumori të madh epidural, një rast ky shumë i rrallë.

“Një tjetër histori suksesi nga Shërbimi i Neurokirurgjisë në QSUNT ku falë edhe pajisjeve të teknologjisë së avancuar u realizua me sukses heqja e një tumori të madh epidural, një rast shumë i rrallë, nga zona torakale (T5-T6) te një paciente 24-vjeçare me Neurofibromatozë Tipi 2. Mirënjohje për ekipin e mjekëve: Prof. Kita Sallabanda, Prof. Artur Xhumari, Dr. Myfit Saraci, Dr. Jetmira Kerxhaliu, dhe infermieret Refije Kadiu dhe Anxhela Gjonaj”, shkruan kryeministri Rama bashkangjitur videos së publikuar.