“Rinumërimi i shërben transparencës”, Berisha: Do denoncojmë farsën elektorale deri në rikthimin e votës së lirë

Kryetari i Partisë Demokratike Sali Berisha deklaroi para gazetarëve se procesi i rinumërimit të votave i shërben transparencës së 11 majit. Berisha shmangu një përgjigje të qartë nëse Partia Demokratike beson apo jo se pas rinumërimit të kutive te Tiranës do të marrë mandatin e 14, por theksoi se do të mbështesë çdo kërkesë të kandidatëve demokratë për rinumërimin.

“Ky proces ka të bëjë vetëm me atë që quhet transparencë. Asnjë shtytje nuk ekziston, por personalisht nuk mund të mendoja dhe ta dini një gjë, çdo njeri që ka kërkuar për të numëruar votat këtu në parti, i është pranuar absolutisht kërkesa. Madje iu është kërkuar që të kërkojnë rinumërim votash. Çdo njeri që ka pasur dyshime për numërimin e votave këtu, i është kërkuar të kërkojë rinumërimin e votave.”

Sipas Berishës prioritet për të mbetet denoncimi i farsës elektorale

“Sepse siç e sheh ti, po i bëhet gjyqi farsës elektorale. Kjo do sjellë pa diskutim mungesën e legjitimitetit të qeverisë të dalë prej saj. Dhe natyrisht detyra e Sali Berishës është t’u faktojë shqiptarëve. Bashkë me shqiptarët dhe komunitetin ndërkombëtar, Sali Berisha ka mision të rikthejë votën e lirë.”

Një muaj pas humbjes në zgjedhjet e 11 majit, Partia Demokratike vazhdon të mbetet e fokusuar tek denoncimi i zgjedhjeve parlamentare.

/vizionplus.tv