Rrezikoi jetën e gazetarëve, arrestohet personi që hodhi molotov në protestën e opozitës
Policia e Tiranës ka arrestuar një 49-vjeçar i cili dyshohet se në protestën e kësaj të marte ka hedhur molotov në drejtim të godinës së bashkisë duke rrezikuar jetën e qytetarëve dhe gazetarëve .
Në pranga ka rënë Sokol Bushkolaj i cili dyshohet se është një nga personat që reagoi dhunshëm gjatë protestës përpara bashkisë. Ai është ndaluar edhe më herët nga policia në lidhje me tubimin e datës 8 maj.
Ky është momenti kur kamerat e policisë kanë fiksuar 49-vjeçarin i cili hedh lëndën plasëse në drejtim të godinës së bashkisë . Një nga molotovët e hedhur ra në pjesën ku ishin grumbulluar qytetarët dhe gazetarët duke u rrezikuar kështu jetën
Sokol Bushkolajt akuzohet për vrasje me dashje të mbetur në tentativë dhe shkatërrim te pronës me zjarr dhe lënde plasëse. /vizionplus.tv