Rrëzohet aeroplani ushtarak në Kolumbi, raportohet për dhjetëra viktima
Një aeroplan i Forcave Ajrore Kolumbiane u rrëzua menjëherë pas ngritjes në jug të vendit, duke lënë të paktën 66 persona të vdekur dhe dhjetëra të lënduar.
Komandanti i forcave ajrore Carlos Fernando Silva Rueda tha se në bord ishin 114 personel ushtarak, si dhe 11 anëtarë të ekuipazhit.
Aeroplani, një C-130 Hercules i prodhuar në SHBA, i përdorur për transportimin e trupave, u rrëzua pranë qytetit Puerto Leguízamo, në provincën Putumayo.
Autoridades confirmaron que 110 soldados iban a bordo del avión Hércules que se accidentó en Putumayo, a unos 3 kilómetros del casco urbano, tras despegar en un vuelo de apoyo militar. #VocesySonidos pic.twitter.com/pZsmW3rw7V
— BluRadio Colombia (@BluRadioCo) March 23, 2026
Punonjësit e emergjencës të dërguar në zonë u panë duke kërkuar nëpër rrënoja për ndonjë të mbijetuar.
Shkaku i rrëzimit po hetohet.
Ministri kolumbian i Mbrojtjes Pedro Sánchez tha se aeroplani transportues Hercules C-130 i prodhuar nga Lockheed Martin kishte pësuar “një aksident tragjik ndërsa po ngrihej nga Puerto Leguízamo, duke transportuar trupa të forcave tona të sigurisë”.
Ai e përshkroi incidentin pranë kufirit me Perunë si “thellësisht të trishtueshëm për vendin”.
Municionet që mbaheshin në bord shpërthyen si pasojë e një zjarri në aeroplan, tha më vonë Sanchez.