Rritja ekonomike e 6 mujorit drejt 4%, turizmi, ndërtimi dhe Real Estate po ushqejnë ekonominë
Ekonomia po zgjerohet në mënyrë të qëndrushme dhe kjo falë katër sektorëve kryesorë.
Instituti i statistikave publikoi rritjen ekonomike, e cila rezulton se në tre mujorin e dytë të këtij viti arriti në 4% në raport më të njëjtën periudhë të një viti më pare.
Ky zhvillim pozitiv në këtë pjesë të vitit lidhet me trendin e sektorit të turizmit, ku turet e pranverës i dhanë një hov konsumit dhe ekonomisë, për rrjedhojë edhe sektori i tregtisë dhe shërbimit ushqimor dha efekt pozitiv në zgjerimin ekonomik
“Nga një vlersim paraprak rezutlon se rritja ekonomike 6-mujore arrin në 3.9%. Por ne do të dalim dhe zyrtarisht për këtë shifër”, tha Elsa Dhuli drejtore e INSTAT.
Dy sektorët e tjerë që vijojnë për katër vite rresht të japin efekt në rritjen ekonomike, mbeten ndërtimi dhe shit-blerja e pasurive të patundshme.
Ndërtimi është sektori që nuk po njeh ndalje, ndërsa tregu i real estate nisi ngadalësimin nga muaji qershor, kohë kur u prezantua dhe nisma e qeverisë për rivlersimin. Por kush janë sektorët që kanë kontribuar negativisht?
“Sektori i industrisë nxjerrëse, energjia elekrike dhe uji si dhe dega e informacionit dhe komunikimit kanë shënuar rënie në këtë tremujorë të vitit”, sqaroi më tej Dhuli.
Risi në këtë pjesë të vitit është se buqjësia po i rikthehet rritijes, pas disa tremujorëve më renie.
Ndërkohë agjentët dhe konsumatorët janë optimistë sa i përket ecurisë ekonomike.
Treguesi i besimit në ekonomi një indikator që mat Banka e Shqipërisë shënoi për të tretin muaj rresht rritje.
E thënë ndryshe, agjentët në sektorin e industrisë, ndërtimit dhe shërbimeve kanë deklaruar për ecuri pozitive në vijim./vizionplus.tv