SHBA – Bessent: Lufta me Iranin po hyn në fazën përfundimtare

UASHINGTON, 24 gusht /ATSH-DPA/- Shtetet e Bashkuara të Amerikës po hyjnë në fazën përfundimtare të luftës së tyre me Iranin, tha dje në mbrëmje sekretari amerikan i Thesarit Scott Bessent, ndërsa përgatitej të zbulonte ato që ai i quajti sanksionet më të ashpra në histori kundër Teheranit.

“Në agim fillon një Ditë-D ekonomike – ofensiva më e madhe financiare e ndërmarrë ndonjëherë kundër një kundërshtari”, shkroi Bessent në X.

Bessent do të prezantojë sot masat e reja në një konferencë për shtyp.

Sekretari amerikan i Thesarit tha se presidenti i SHBA-së, Donald Trump ka “shkatërruar aftësitë ushtarake të Iranit, dhe gati 100% të fabrikave të tij ushtarake dhe  programin e tij bërthamor”.

“Tani po hyjmë në fazën përfundimtare”, tha ai.

Trump njoftoi të mërkurën një “Ditë-D ekonomike” për Iranin dhe kërcënoi mbështetësit e Teheranit me masa drastike.

“Ata që i frikësohen rrezikut të sfidimit të Teheranit nuk duhet ta nënvlerësojnë koston e testimit të Uashingtonit”, shkroi Bessent në X.

“Objektivi ynë është të ndërpresim çdo litar jetese ekonomik, që mbështet regjimin tiranik derisa Teherani të qëndrojë vetëm”, ​​shtoi ai. //a.i/