Samiti i NATO-s/ Liderët marrin stilolapsa të personalizuar me emrat e tyre si dhuratë nga Presidenca turke

Presidenca turke u ka dhuruar krerëve të shteteve pjesëmarrëse në samitin e NATO-s në Ankara një dhuratë simbolike dhe personale.

Secili lider ka marrë një stilolaps të personalizuar, me emrin e tij të gdhendur me shkronja të arta. Dhurata është përgatitur posaçërisht për pjesëmarrësit e samitit dhe synon të mbetet si kujtim nga takimi ndërkombëtar.

Sipas mediave turke, stilolapsat kanë tërhequr vëmendje për dizajnin elegant dhe karakterin e tyre, duke u cilësuar si një simbol i mikpritjes së Presidencës turke ndaj liderëve të pranishëm.

Detajet e stilolapsave të liderëve

Gdhendje me ar: Emri dhe titulli zyrtar i secilit lider janë shkruar dhe gdhendur me shkronja të arta mbi trupin e stilolapsit.

Ngjyra të ndryshme: Setet janë përzgjedhur me ngjyra të ndryshme, të përshtatura me profilet ose preferencat e liderëve.

/rtsh.al/