Sherr mes shqiptarëve në Greqi, i riu godet me thikë 35-vjeçarin, në gjendje të rëndë në spital

Një i ri me origjinë shqiptare është arrestuar nga policia greke mëngjesin e sotëm, 11 shtator.

Ai dyshohet se ka plagosur me thikë bashkatdhetarin e tij, 35 vjeç mbrëmjen e së shtunës.

Sipas medieve greke ngjarja ka ndodhur në Heraklion.

Në fakt ndaj tij ishte lëshuar një urdhër arresti dhe akuzohet për “tentativë vrasje”.

Kronika e episodit të përgjakshëm

Ngjarja ka ndodhur mbrëmjen e së shtunës në zonën e Therisos. Për arsye ende të panjohura, të dy shqiptarët kanë debatuar me njëri-tjetrin.

Sherri ka agravuar dhe më pas i riu ka nxjerrë thikën e ka goditur bashkëkombasin e tij 35-vjeçar.

I plagosuri ndodhet në spital në gjendje të rëndë pasi ka dëmtime në shpretkë dhe mëlçi./vizionplus.tv