Shije Lezhe n’Prishtinë, promovohet kulinaria, tradita dhe mikpritja

Në sheshin “Zahir Pajaziti” të Prishtinës për të dytin vit radhazi u organizua një event madhështor duke demostruar kulturën, artin, traditën muzikën shqiptare dhe turizmin e Lezhës.

Në këtë aktivitet promovues morën pjesë autoritete të të dy shteteve , Ministrja e Turizmit Mirela Kumbaro, Pjerin Ndreu Kryetar i Bashkisë Lezhë, Përparim Rama, Kryetar i Komunës Prishtinë, Ambasadori shqiptar në Kosovë Petrit Malaj e shumë të tjerë.

Pas vëzhgimit dhe testimit të kulinarisë në shesh, të pranishmit theksuan se Lezha si dhe të gjitha qytetet e tjera të Shqipërisë janë gati për këtë sezon turistik dhe falenderuan shqiptarët e Kosovës për frekuentimin e bregdetit  çdo vit.

Gazetar: D. Shehu

/rtsh.al/