“Shkenca dhe inovacioni për zhvillim të qëndrueshëm”, 120 studiues nga vendi e bota në Gjirokastër

Për dy ditë Gjirokastra u kthye në një pikë takimi e studiuesve, akademikëve dhe kërkuesve shkencorë nga vende të ndryshme të Europës dhe Azisë.

Konferenca Ndërkombëtare Ndërdisiplinore “Shkenca dhe Inovacioni për Zhvillim të Qëndrueshëm” bëri bashkë pedagogë e studiues nga vendi dhe bota që prezantuan rezultatet e kërkimeve të tyre mbi zhvillimin e qëndrueshëm, inteligjencën artificiale, inovacionin dhe arsimin e lartë, duke e kthyer konferencën në një platformë të rëndësishme të dialogut shkencor dhe bashkëpunimit ndërkombëtar.

Të ftuarit e vlerësuan këtë konferencë jo vetëm si një hap të rëndësishëm të universitetit “Eqrem Cabej” drejt ndërkombëtarizimit, por edhe si një ogur të mirë për rajonin jugor.

Kjo konferencë solli në Gjirokastër pedagogë e studiues nga 12 vende të botës.

Gazetar: Marash Mirashi

/rtsh.al/