“Si më hoqën nga puna se kandidova me Tom Doshin”/ Kandidatja e PSD: Po e ndjek në rrugë ligjore

Pjesëmarrja në politikë dhe kandidimi i saj nën logon e PSD në qarkun e Fierit, i ka kushtuar jo pak Limonera Bozhës.

Ajo rrëfeu në studion e Quo Vadis të moderatores Pranvera Borakaj në Vizion Plus, se në momentin që emri i saj u bë publik si kandidate në listën e PSD, institucioni ku ajo punonte i dërgoi një shkresë ku e njoftonte për ndërprerjen e mardhënieve të punës.

Pjesë nga biseda:

Borakaj: A ka kosto kjo fushatë për ju, edhe personalisht?

Bozha: Tani kostot, stresi, lodhja.

Borakaj: Jo vetëm kaq, a ju kanë larguar juve nga puna?

Bozha: Po më janë ndërprerë marrëdhëniet e punës më datë 22 prill me një vendim të ardhur nga kompania Albpetrol. Por uën do ta ndjek në rrugë ligjore.

Borakaj: Cili ishte motivi i largimit nga puna?

Bozha: Unë mendoj se ndihem e diskriminuar nga puna, pas shfaqjes së listave zyrtare ku unë isha kandiadate e PSD, por kjo besoj se do të vërtetohet në një proces gjyqësor.

/vizionplus.tv