Sulmet masive ndaj Kievit, Ursula von der Leyen: Bisedova me Trump dhe Zelensky, Putin duhet të negociojë!

Presidentja e KE-së, Ursula von der Leyen tha se ka biseduar me presidentin ukrainas Volodymyr Zelensky dhe presidentin e SHBA-së Donald Trump.

Kjo bisedë vjen pas sulmit masiv ndaj Kievit në orët e para të kësaj të enjte.

Ursula von der Leyen nënvizoi se Putini duhet të ulet në tryezën e negociatave.

 “Sapo fola me presidentin ukrainas Volodymyr Zelensky dhe presidentin e SHBA-së Donald Trump, pas sulmit masiv ndaj Kievit që goditi edhe zyrat tona në BE-së”, shkroi në X presidentja e KE-së, Ursula von der Leyen.

”Putini duhet të ulet në tryezën e negociatave. Ne duhet të sigurojmë një paqe të drejtë dhe të qëndrueshme për Ukrainën me garanci të forta dhe të besueshme sigurie që e transformojnë vendin në një ”iriq çeliku”, shtoi ajo.

“Evropa do të luajë rolin e saj të plotë. Instrumenti ynë i mbrojtjes SAFE, për shembull, do të jetë i rëndësishëm në forcimin e forcave të armatosura të guximshme ukrainase”, përfundoi Ursula von der Leyen.