Takimi me Rutte, Rama: Diskutuam për forcimin e rolit të Shqipërisë në Aleancë dhe sfidat e sigurisë në rajon

TIRANË- Kryeministri Edi Rama është takuar me kreun e NATO-s, Mark Rutte.

Kryeministri ka ndarë video nga takimi i zhvilluar mes tyre, ndërsa shprehet se diskutimet u fokusuan mbi forcimin e mëtejshëm të rolit të Shqipërisë në Aleancë, sfidat e sigurisë në rajon dhe kontributin në NATO.

“Kënaqësi të mirëpres Sekretarin e Përgjithshëm të NATO-s, Mark Rutte, me të cilin diskutuam mbi forcimin e mëtejshëm të rolit të Shqipërisë në Aleancë, sfidat e sigurisë në rajon dhe kontributin tonë aktiv në NATO”, shprehet Rama.