Taksa vjetore e makinave, deputetet miratojne pergjysmimin Eglantina Nasi

I kane dhene “Po” projektit te fundit te qeverise per pergjysmimin e taksave vjetore per makinave e perdorura. Por edhe faljes se disa detyrimeve te prapambetura te kesaj takse nga perdoruesit e te tilla mjeteve. Fjala eshte per deputetet e komisionit parlamentar te Ekonomise, si te mazhorances, edhe ata te opozites, te cilet e kane miratuar dje me konsensusin e votave te tyre kete projekt, i zyrtarizuar vetem para pak ditesh nga qeveria. Kjo ka ndodhur edhe pse, deputetet e opozites ne fakt, kane paraqitur kritikat e tyre ne lidhje me kohen kur sipas tyre po aplikohet nje projekt i tille. Ka qene vete deputetja socialiste, Mimi Kodheli, e cila ka deklaruar se kjo nisme ndermerret per qellime politike. Por nga ana e tij, perfaqesuesi i ministrise se Financave, zv/ministri Alfred Rushaj, ka parashtruar atyre perfitimet konkrete nga zbatimi i ketij projekti. Edhe pse sipas tij, ai ka nje kosto te caktuar per buxhetin e shtetit, konkretisht prej 2.5 miliarde lekesh. Duke i bindur ne kete menyre, se fjala eshte per nje nisme praktike, nga e cila do te kete shume perfitime praktike. "Kjo nisme behet ne ndihme te familjeve shqiptare”, sqaroi ai. Ndersa shtoi se pergjysmim te taksave do te perfitojne edhe ata qytetare qe per makinat e tyre te perdorura, nuk i kane paguar detyrimet edhe per vitet e kaluara. Duke risjelle ndermend faktin se pagesa duhet te kryhet brenda dates 30 qershor. Dhe nese ky afat tejkalohet, ndaj tyre do te aplikohen masa ndeshkuese. Njesoj sic parashikohet edhe ne projektin perkates te qeverise, i cili citon se saktesisht se “pas dates se hyrjes ne fuqi te ketij ligji, te gjithe pronaret e mjeteve qe nuk kane paguar taksen vjetore te mjeteve te perdorura per vitin 2013, pavaresisht kur e kane pasur daten e pageses se takses, do te paguajne sipas ketij ligji”. Kujtojme nderkaq, se projekti ne fjale, parashikon mes te tjerash, pergjysmimin e takses fikse per karburantin, nga 25 leke, ne 12.5 leke per naften dhe nga 20 leke, ne 10 leke per benzinen. Ku formula e llogaritjes se takses vjetore shumezon cilindraten e motorit te makines me koeficientin e vjetersise dhe me taksen fikse per llojin e karburantit. Dhe ne kete menyre, perfitohet nje pergjysmim i pageses se takses vjetore per cdo makine. Nderkaq, projekti parashikon qe pergjysmimi i takses se lartpermendur vlen edhe per te gjitha mjetet e tjera, pasi ne ligj nuk eshte parashikuar perjashtimi i tyre. Keshtu, krahas veturave dhe furgoneve, perfitojne edhe kamionet apo autobuset.