Tavo e Barka: "Minoriteti grek te regjistrohet" Qamil Xhani
Thirrjet e shoqates se minoritetit grek OMONIA, per te mos marre pjese ne procesin e regjistrimit, demtojne vete minoritetin. Kjo eshte deklarata qe nenkryetari i Kuvendit, Vangjel Tavo dhe deputeti Kosta Barka, kane bere ne dje ne lidhje me procesin e censusit. Me ane te nje reagim publik, dy deputetet qe perfaqesojne interesat e minoritetit grek, theksojne se qendrimi i OMONIA-s ka qene i nxituar dhe nuk perfshin gjithe elementet e ketij minoriteti. "Duke qene konstante ne qendrimet tona, ne lidhje me pjesemarrjen e minoritetit etnik grek dhe te minoriteteve te tjera ne census, konsiderojme te gabuar e te denueshem vendimin e lidershipit te OMONIA-s per bojkotimin e ketij procesi",- shprehen dy ligjvenesit ne deklaraten e tyre. Ata argumentojne se qendrimi i shoqates ka pasur si qellim mbijetesen politike te lidershipit te saj. "Ky qendrim eshte me shume pasoja per vete minoritetin etnik grek. Vetperjashtimi nga procesi i censusit, (te kerkuar me kembengulje per 20 vite me radhe), me pretendime te paqena dhe duke e paragjykuar ate, perben nje vetflijim te interesave te larta te ketij minoriteti, ne emer te interesave te ngushta te nje grupi njerezish ne krye te kesaj organizate",- thuhet ne deklaraten e dy deputeteve. Tavo dhe Barka kritikojne ashper dhe deklaratat e krereve te OMONIA-s, duke i cilesuar ato si thirrje per dizinformim dhe konfuzion ne radhet e minoritetit grek. "Vendimi dhe thirrja per bojkotim, se bashku me dizinformimin intensiv te bere nga ky lidership, ne lidhje me censusin, solli peshtjellim ne radhet e minoritetit grek dhe perdite po u jep ushqim qarqeve te ndryshme per pretendimet e tyre, ne lidhje me natyren dhe madhesine demografike te ketij minoriteti",- theksojne ata. Dy ligjvenesit e parlamentit shqiptar perserisin apelin qe "cdo anetar i minoritetit etnik grek, te beje detyren e vet ndaj ndergjegjes se tij etnike, duke mos iu bindur thirrjeve te atyre qe duan te kunderten". Por vec apelit per minoritetin grek, Tavo dhe Barka kane shprehur shqetesime dhe per menyren sesi po ecen procesi i regjistrimit. Sipas tyre, anketuesit ne disa raste, kane tejkaluar kompetencat duke kerkuar verifikime qe nuk jane parashikuara ne ligj per deklarimin e qytetareve. "Kerkojne dokumente vertetuese per deklaraten e bere per kombesine greke. Ushtrojne presion qe te anketuarit te shmangin teresisht kete pike ose te shmangin vullnetin e tyre per identitetin etnik e fetar dhe te deklarojne ate qe duan anketuesit. Perdorim mjete e menyra qe pyetesori te mund te manipulohet",- shprehen ne deklaraten e perbashket dy deputetet.