Tirana triumfon në derbi, mposht 3-0 Partizanin

TIRANË, 7 prill /ATSH/ Tirana triumfoi sot 3-0 në derbin e kryeqytetit ndaj Partizanit.

Bardheblutë rikthehen te fitorja në derbi, e cila mungonte prej 10 ndeshjesh.

Dopieta e shënuar nga Jarmouni në pjesën e parë dhe goli i Ernest në pjesën e dytë, i dhanë 3 pikë të arta skuadrës së Shkëmbit.

Partizani gjeti golin me Albers Kekon në fund, por u anulua për pozicion jashtë loje.

Një fitore e merituar për Tiranën, e cila dominoi takimin në stadiumin “Arena Kombëtare”.

Me këtë sukses, Tirana shkon në kuotën e 35 pikëve në vendin e tetë dhe vazhdon luftën për mbijetesë.

Në krahun tjetër, Partizani renditet në vendin e katërt me 47 pikë, vetëm një pikë më shumë se Elbasani i vendit të pestë.

Tirana - Partizani 3-0 Foto: Agim Dobi 1 nga 8

/r.e//a.f/.