Trafik i rënduar në Durrës/ Radhë të gjata mjetesh në disa akse rrugore

Kjo e diel ka sjellë trafik të rënduar në qytetin e Durrësit ku në shumë akse rrugore është vënë re radhë e gjate automjetesh.

Kthimi i emigrantëve shqiptarë si dhe ardhja e turistëve të huaj për pushime në Shqipëri ka rënduar trafikun duke e bërë thuajse të pamundur qarkullimin brenda qytetit.

Për drejtuesit e automjeteve trafiku është bërë problematik jo vetëm gjatë ditës, por edhe në mbrëmje, kohë në të cilën gjendja përkeqësohet edhe më shumë.

Ndërsa patrullat e policisë rrugore të vendosura në  zonat me qarkullimin më madh përpiqen të lehtësojnë lëvizjen.

Rrugët më të ngarkuara, krahas qytetit, mbeten rruga e plazhit, unaza e Shkozetit, aksi Plepa-Golem si dhe Maminas-Gjiri i Lalëzit.