Trump i përgjigjet Groenlandës/ “Nuk e njoh kryeministrin, por do të ketë probleme”
Donald Trump vazhdon të kërkojë me ngulm Groenlandën. Ishulli gjysmëautonom, pjesë e Mbretërisë së Danimarkës vazhdon t’i bëjë të qartë se nuk i pranojnë kërcënimet e tij.
Por presidenti amerikan është i vendosur dhe këtë e tregoi edhe në përgjigjen e tij ndaj Kryeministrit të Groenlandës, i cili tha se ishulli do të zgjidhte Danimarkën në vend të shteteve të bashkuara.
I pyetur në lidhje me deklaratën e Jens-Frederik Nielsen, Trump tha se as nuk e njeh kryeministrin e ishullit që kërkon të zotërojë.
Komentet e Trump erdhën para bisedimeve në Uashington mes ministrave të Jashtëm të Danimarkës dhe Groenlandës dhe zëvendëspresidentit amerikan JD Vance e sekretarit të Shtetit Marco Rubio.
Takimi synon të adresojë tensionet diplomatike dhe të sqarojë qëllimet e Trump për ishullin, teksa Danimarka dhe Grenlanda kanë poshtë çdo sugjerim se ishulli është në shitje ose mund të kontrollohet nga Uashingtoni.
Në këto kohë tensionesh brenda vetë NATO-s, Europa ka bërë deklaratat dhe lëvizjet e saj në mbështetje të Groenlandës.
Danimarka do të forcojë praninë e saj ushtarake në ishull, ndërsa në një lëvizje diplomatike, Franca njoftoi planet për të hapur një konsullatë në Groenlandë muajin e ardhshëm.
Ministri i Jashtëm i vendit tha se kjo kishte për qëllim të dërgonte një sinjal politik mes interesit në rritje të presidentit amerikan Donald Trump në territor.
Ministri gjerman i mbrojtjes Boris Pistorius tha se çdo veprim amerikan për të marrë kontrollin e Groenlandës do të ishte një situatë e paprecedentë për NATO-n dhe në historinë e çdo aleance mbrojtëse në botë./abcnews.al