Ushtria izraelite: Kemi vrarë 900 anëtarë të Hezbollahut që nga fillimi i armëpushimit

Ushtria izraelite ka njoftuar se ka eliminuar 900 “terroristë” të Hezbollahut që nga fillimi i armëpushimit më 16 prill.

Sipas deklaratës së ushtrisë izraelite, forcave të saj u janë kryer dhjetëra sulme ndaj pozicioneve të Hezbollahut vetëm që nga mëngjesi i sotëm.

“Krahas avancimit të operacioneve në zonën e kreshtës Beaufort, sot ushtria ka goditur depo armatimi, qendra komandimi të stafuara dhe infrastrukturë tjetër të Hezbollahut në zonën e Tirit (Tyre) dhe në zona të tjera të Libanit jugor”, thuhet në postimin e ushtrisë izraelite në Telegram.

Ndërkohë, Ministria e Shëndetësisë e Libanit raportoi sot se që nga fillimi i konfliktit të ri midis Hezbollahut dhe Izraelit më 2 mars 2026, janë vrarë gjithsej 3.412 persona dhe janë plagosur 10.269 të tjerë.

Ky bilanc i ri vjen në një periudhë ku tensionet në kufirin izraelito-libanez vazhdojnë pavarësisht deklarimit të armëpushimit.

/rtsh.al/