VIDEO/ Aksident në aksin Levan-Fier, një i plagosur

Një aksident ka ndodhur këtë të enjte në aksin Fier-Levan. Mësohet se një motomjet është goditur nga një fugon mallrash.

Si pasojë e aksidentit ka mbetur i plagosur drejtuesi i motomjetit. I plagosuri është transportuar menjëherë drejt spitalit rajonal Fier ku ndodhet nën kujdesin e mjekëve jashtë rrezikut për jetën.

Në vendngjarje ka mbërritur dhe policia e cila po kryen të gjitha veprimet për të zbardhur shkaqet e aksidentit në fjalë.

/abcnews.al/