VIDEO/ Durrësi ‘nën ujë’, evakuohen mbi 40 familje, Emergjencat Civile, FA dhe Ushtria në terren

Durrësi është ‘paralizuar’ nga moti i keq. Reshjet e dendura të shiut që kanë nisur gjatë natës dhe vijuar edhe përgjatë ditës së sotme ka bërë që qyteti të përballet me një situatë shqetësuese.  Rrugët janë kthyer në lumenj, ndërsa banesat të shumta janë përmbytur.

Mbi 40 familje janë evakuuar nga shtabi Emergjencave Civile dhe Forcat e Armatosura. Ushtria ndodhet në Durrës që prej orëve të para të paradites me katër pompa te fuqishme.

Një është vendosur në Shkozet, një në afërsi të burgut, një në ish kënetë dhe një në Porto Romano. Ndërkohë numri i kërkesave për evakuimi mbetet i lartë.