VIDEO/ Gjenden mbetje njerëzore në anijen e goditur në Ngushticën e Hormuzit
Mbetje njerëzore janë gjetur në bordin e anijes mallrash “Mayuree Naree”, e cila u godit nga një raketë më 11 mars teksa po kalonte nëpër Ngushticën strategjike të Hormuzit.
Anija, me flamur tajlandez, ishte nisur nga porti Khalifa në Emiratet e Bashkuara Arabe kur u sulmua. Sipas kompanisë detare Precious Shipping, mbetjet janë zbuluar në zonën e anijes së dëmtuar, por ende nuk është e mundur të konfirmohet identiteti apo numri i personave të zhdukur.
Nga ekuipazhi prej 23 personash, 20 janë shpëtuar dhe janë kthyer në Tajlandë në mesin e muajit mars, ndërsa tre të tjerë rezultojnë ende të zhdukur.
Kompania bëri të ditur se operacionet e kërkimit po zhvillohen në kushte të vështira, pasi dhoma e motorëve është përmbytur dhe ka pësuar dëmtime të mëdha nga zjarri.
Ndërkohë, Garda Revolucionare e Iranit deklaroi në mars se kishte goditur “Mayuree Naree” dhe një tjetër anije me flamur liberian në Ngushticën e Hormuzit, duke pretenduar se ato kishin injoruar paralajmërimet e saj.
THAILAND STRIKES SAFE PASSAGE DEAL WITH IRAN AFTER HORMUZ ATTACK
Bangkok secures agreement with Tehran to let its tankers transit the Strait of Hormuz safely a major diplomatic step following the attack on the Thai ship Mayuree Naree. #WashingtonEye pic.twitter.com/81loOs6yIJ
— Washington Eye (@washington_EY) March 28, 2026