VIDEO/ Humbi jetën 22-vjeçari, momenti kur mjeti lundrues në Ksamil përplaset me skafin e Policisë Kufitare

Ky është momenti kur Albiano Kreçi humb kontrollin e mjetit lundrues dhe përplaset me skafin e Policisë Kufitare në Ksamil, aksident që i kushtoi jetën.

Nga pamjet e siguruara nga ABC News, shihet se mjeti i të riut me shpejtësi të lartë duke u përplasur me skafin e Policisë Kufitare.

Përplasja ka qenë e fortë dhe si pasojë 22-vjeçari humbi jetën.

Efektivët e policisë dhe persona të tjerë që ndodheshin në zonë kanë ndërhyrë për ta nxjerrë të riun nga deti dhe për t’i dhënë ndihmën e parë, por nuk arriti t’u mbijetojë plagëve të marra.