VIDEO/ Përplasje me policinë e qindra të arrestuar në Stamboll, qytetarët marshim në ditën e 1 majit

STAMBOLL –1 Maji në Stamboll u shoqërua me marshime e protesta, duke sjellë edhe përplasje me policinë.

Qindra demonstrues dolën të marshonin drejt Sheshit Taksim, një simbol i protestave në Turqi.

Forcat e rendit ndërhynë për të shpërndarë turmën duke përdorur gaz lotsjellës, gjë që shkaktoi përplasje dhe reagime nga protestuesit.

Sipas Shoqatës së Avokatëve, rreth 120 persona u arrestuan gjatë incidenteve në qytet, ndërsa 40 të tjerë u ndaluan gjatë një marshimi në Urën e Bosforit.

Autoritetet kishin bllokuar paraprakisht Sheshin Taksim dhe disa zona qendrore të Stambollit, për të parandaluar grumbullimet masive.

Ndërkohë, në qytete të tjera të vendit, si Ankaraja dhe Izmiri, aktivitetet e 1 Majit u zhvilluan në mënyrë paqësore.

1 Mayıs’ta Taksim’e yürümek isteyenlere polis müdahalesi! Mecidiyeköy’den #canlı yayın https://t.co/m8Vk3fM8HY

— Cumhuriyet (@cumhuriyetgzt) May 1, 2026