VIDEO/ Shpërthen sërish vullkani në Indonezi, autoritetet zgjerojnë zonën e sigurisë
Vullkani i malit Lewotobi Laki Laki në Indonezi shpërtheu tre herë në orët e para të së shtunës, duke nxjerrë hi rreth 10 km të lartë, ndërsa autoritetet planifikonin të zgjeronin një zonë sigurie në zonë.
Të dielën e kaluar, nëntë njerëz vdiqën për shkak të shpërthimeve të njëpasnjëshme të vullkanit në provincën e Nusa Tenggara Lindore. Që atëherë, autoritetet janë përpjekur të evakuojnë rreth 16,000 banorë nga komunitetet përreth Lewotobi për shkak të aktivitetit intensiv vullkanik.
🚨🇮🇩INDONESIA VOLCANO ERUPTS AGAIN, FORCES MASS EVACUATION
Mount Lewotobi Laki-laki erupted multiple times, sending ash 6.2 miles high and killing nine in East Nusa Tenggara province.
Authorities are expanding the no-entry zone to 5.6 miles and evacuating 16,000 residents as… pic.twitter.com/lQi7Gq9qSO
— Mario Nawfal (@MarioNawfal) November 9, 2024
“Shpërthimet e shoqëruara me lëshimin e llavës dhe gazeve në perëndim dhe jugperëndim të vullkanit Lewotobi Laki-Laki vazhdojnë”, tha Muhammad Wafid, kreu i Qendrës për Vullkanologjinë e Indonezisë.
Autoritetet indoneziane planifikojnë të zgjerojnë zonën e sigurisë rreth vullkanit në nëntë kilometra nga tetë kilometrat e tanishëm.
Operacioni i evakuimit vazhdon në zonë, ndërsa deri në mbrëmjen e së premtes u vlerësua se rreth 10.700 persona ishin larguar nga shtëpitë e tyre./abcnews.al