VIDEO/ Siguria në “plan të dytë”, momenti kur Altin Ndoci u dërgua në spitalin e Durrësit

DURRËS– I burgosuri Altin Ndoci u arratis këtë të martë nga Spitali i Durrësit, ku ishte dërguar për të kryer një vizitë mjekësore.

ABC News ka siguruar momentin kur Ndoci transportohet me autoambulancë në ambientet e spitalit, i shoqëruar nga një efektiv, ndërsa dy të tjerë qëndrojnë pas tij.

Ajo që bie në sy dhe ngjall dyshime është fakti se një person me rrezikshmëri shoqërore si Ndoci u transportua pa masa të forta sigurie.

Ndoci arriti t’i shpëtojë efektivit që e shoqëronte në spital duke e goditur fizikisht punonjësin e sigurisë së burgut.

Ai ndodhej në katin e tretë të spitalit rajonal të Durrësit, në repartin infektiv ku ndodhet zona e veçantë e sigurisë për të paraburgosurit./abcnews.al