VIDEO/ U mbajt peng për rreth 4 orë nga ish-partneri, “ABC News” siguron pamjet, momenti i lirimit të Rozalinda Plakut në Roskovec

ABC News ka siguruar pamjet nga momenti i lirimit të Rozalinda Plakut, 24-vjeçares që u mbajt peng për rreth katër orë nga ish-bashkëshorti i saj, Refit Buzi, pas ngjarjes së rëndë në Roskovec.

Në video shihet momenti kur efektivët e Policisë arrijnë ta bindin Refit Buzin të lirojë të renë.

Ngjarja tronditi mbarë vendin, pasi një ditë më parë Refit Buzi vrau ish-vjehrrin dhe ish-vjehrrën e tij, Kosta dhe Belere Plaka. Pas krimit, ai mbajti peng ish-bashkëshorten e tij për disa orë.

Pas negociatave me forcat e policisë, 24-vjeçarja u lirua pa lëndime, ndërsa pak më vonë Refit Buzi i dha fund jetës duke u vetëvrarë.