Valë protestash në SHBA, kundërshtohen politikat e emigracionit pas vrasjes së dy qytetarëve

Protestat kundër operacioneve të Zbatimit të planit të Emigracionit dhe Doganave janë përhapur në të gjithë Shtetet e Bashkuara.

Restorantet u zbrazën, bizneset ulën qepenat dhe nxënësit munguan në shkolla në disa qytete të vendit, në kuadër të një greve mbarëkombëtare  në shenjë proteste  ndaj goditjes federale të emigracionit në Minesota.

Kjo lëvizje shtrihet nga Minesota deri në qytete të largëta si Los Angeles, New York dhe Boston, ku njerëzit u ftuan të bojkotojnë punën, shkollën dhe blerjet.

Tubuesit  marshuan në rrugë dhe u mblodhën përpara ndërtesave federale, disa me pankarta që kërkonin reforma në politikën e emigracionit.

Këto tubime  ndodhin ndërsa Departamenti i Drejtësisë së SHBA-së ka nisur një hetim për shkelje të të drejtave civile në lidhje me vrasjen e Alex Pretti, duke shtuar presionin mbi zyrtarët federalë dhe politikën e administratës për emigracionin.

Pretti është viktima e dytë këtë vit, pas vrasjes së Renee Good më herët në janar. Dy ngjarjet kanë ndryshuar ndjeshëm debatin kombëtar mbi zbatimin e ligjit të emigracionit dhe kanë rritur presionin ndaj Shtëpisë së Bardhë.