VivaTech në Paris, Gonxhja: Ekosistemi i inovacionit në Shqipëri në skenën globale

TIRANË, 12 qershor /ATSH/ Shqipëria merr pjesë në ekspon e teknologjisë “VivaTech 2025”, kushtuar inovacionit dhe startup-eve, që mbahet në Paris, Francë.

Në këtë skenë ndërkombëtare të inovacionit do të marrin pjesë katër aktorë kyç të ekosistemit shqiptar të inovacionit dhe zhvillimit ekonomik: Dy parqet teknologjike Durana dhe TEDA, Korporata Shqiptare e Investimeve (AIC) dhe AIDA.

Ministri i Ekonomisë, Kulturës dhe Inovacionit, Blendi Gonxhja ndau në rrjete sociale momente nga panairi “VivaTech”, teksa bëri të ditur se, mijëra novatorë nga e gjithë bota që kanë pushtuar VivaTech Paris e kanë sjellë me vete emocionin e teknologjisë dhe fuqinë e inovacionit.

“Nga deep tech dhe informatika kuantike te inteligjenca artificiale, teknologjia e klimës, gratë në teknologji dhe zhvillimet më të fundit në sektorë të ndryshëm, çdo ditë në VivaTech zbulon çfarë fsheh e ardhmja”, tha Gonxhja.

Ministri Gonxhja u shpreh krenarë që punon krah Qeverisë për të lartësuar ekosistemin e inovacionit në Shqipëri në skenën globale.

“Mbështesim prezantimin e parqeve të teknologjisë dhe shkencës, zonat e lira ekonomike, mundësitë e investimit dhe komunitetin gjithnjë në rritje të novatorëve”, u shpreh Gonxhja. /j.p/

Më shumë nga Ekonomia