Vllaznia fiton ndaj Partizanit dhe merr kreun së bashku me Egnatian
TIRANË, 24 janar /ATSH/ Vllaznia fitoi sot 1-0 supersfidën me Partizanin dhe kap kreun e renditjes duke iu bashkuar Egnatias.
Në ndeshjen e luajtur në “Loro Boriçi” ishte goli i Kastratit në minutën e 32-të të takimit që vendosi fatin e kësaj ndeshjeje shumë të dyluftuar deri në fund.
Me këtë fitore Vllaznia merr kreun e renditjes me 39 pikë, po aq sa ka edhe Egnatia, e cila sot humbi dy pikë me vlerë në Ballsh ndaj Bylisit.
Të dielën luhen tri ndeshjet e tjera të vlefshme për Javën e 21-të të kategorisë Superiore. Në orën 13:30 luajnë Teuta-Vora dhe Tirana-Flamurtari dhe në 16:30 luhet kryendeshja e ditës AF Elbasani-Dinamo City.