Vrasja e Elis Rroshkodolit, mbetet në burg Voltan Xhani
Shtetasi Voltan Xhani, i akuzuar nga Prokuroria e Posaçme Kundër Korrupsionit dhe Krimit të Organizuar për vrasjen e Elis Rroskodolit, do të vijojë nën masën e sigurisë “arrest në burg”.
Vendimi është marrë nga Gjykata Kundër Korrupsionit dhe Krimit të Organizuar, me trup gjykues të përbërë nga Erjon Bani, gjyqtar, për vazhdimin e kësaj mase sigurie.
NJOFTIM PËR MEDIAT
- Kërkuesi Prokuroria e Posaçme kundër Korrupsionit dhe Krimit të Organizuar
me datë 03.06.2025 ka paraqitur pranë Gjykatës kërkesën me objekt: “Rivlerësimin e
masës së sigurimit “arrest në burg”, parashikuar nga neni 238 i K.Pr.Penale, caktuar ndaj
personit nën hetim Voltan Xhani, fillimisht me vendimi nr. 632 (3706), datë 08.09.2024,
të Gjykatës së Shkallës së Parë të Juridiksionit të Përgjishëm Shkodër, e verifikuar me
vendimin nr. 309 (1777), datë 25.05.2025, të Gjykatës së Shkallës së Parë të Juridiksionit
të Përgjishëm Shkodër, e cila ka shpallur moskompetencën lëndore të saj, po në këtë
datë.”. - Në përfundim të gjykimit, Gjykata e Posaçme e Shkallës së Parë për Korrupsionin dhe
Krimin e Organizuar me trup gjykues të përbërë nga gjyqtari Erjon Bani, bazuar në nenet
88, 112 dhe 238 të K.Pr.Penale, me vendimin nr. 59, datë 05.06.2025, vendosi: - Vazhdimin e masës së sigurimit “Arrest në burg”, parashikuar nga neni 238 i
Kodit të Procedurës Penale, caktuar ndaj personit nën hetim Voltan Pertrit
XHANI, me vendimin Nr. 632 (3706), datë 08.09.2024, të Gjykatës së Shkallës
së Parë të Juridiksionit të Përgjishëm Shkodër, e verifikuar me vendimin Nr. 309
(1777), datë 25.05.2025, të Gjykatës së Shkallës së Parë të Juridiksionit të
Përgjishëm Shkodër. - Ngarkohet Prokuroria e Posaçme kundër Korrupsionit dhe Krimit të Organizuar
në bashkëpunim me policinë gjyqësore për ekzekutimin e këtij vendimi. - Kundër këtij vendimi mund të bëhet ankim në në Gjykatën e Posaҫme të Apelit
për Korrupsionin dhe Krimin e Organizuar brenda 5 (pesë) ditëve, duke filluar ky
afat nga e nesërmja e njoftimit të këtij vendimi.