ZAMNA Madrid: Një festival që evoluon pa humbur identitetin
Çfarë ndodh kur një festival i lindur mes natyrës së Tulumit mbërrin në një metropol europian si Madridi? Destinacioni vërtet është i ndryshëm, por jo domosdoshmërisht ajo që e bën eksperiencën të veçantë.
ZAMNA e ka nisur rrugëtimin e saj në Meksikë, por prej kohësh ka dalë përtej kufijve të Tulumit. Nga një destinacion te tjetri, koncepti ka ndryshuar përmasat dhe kontekstin, por ka ruajtur elementet që e kanë bërë të njohur si muzikën elektronike, krijimtarinë dhe një identitet vizual lehtësisht të dallueshëm.
Më 11 shtator, radhën e kishte Madridi. Universiteti Autonom i Madridit mirëpriti Black Coffee, AMÉMÉ, Argia, Avangart Tabldot dhe Pablo Fierro, duke u bërë ndalesa e radhës e një festivali që vazhdon të marrë trajta të reja. Pikërisht këtu qëndron edhe një pjesë e suksesit të ZAMNA-s. Festivali merr me vete identitetin e tij dhe e vendos në dialog me destinacionin e radhës.
Me zgjerimin e ZAMNA-s ka evoluar edhe mënyra se si partnerët bëhen pjesë e këtij universi. Mes tyre është IQOS, partneriteti i të cilit me ZAMNA-n u prezantua për herë të parë në Tulum në janar 2026 dhe që prej atëherë ka vijuar në Amerikën Latine, Azi, Lindjen e Mesme dhe Europë.
Ashtu si vetë ZAMNA përshtatet me çdo ndalesë, edhe partneriteti me IQOS ndjek të njëjtën logjikë. Në qendër është bashkëkrijimi, ku IQOS dhe ZAMNA kërkojnë mënyra të reja angazhimi me konsumatorët e rritur që, njëkohësisht, t’i shtojnë diçka eksperiencës.
Kjo ishte edhe një nga temat e diskutuara në Madrid një ditë përpara festivalit. Për Oggie Kapetanovic, President i Produkteve me Ngrohje të Duhanit në Philip Morris International, eksperienca luan një rol të rëndësishëm në mënyrën se si markat krijojnë lidhje me konsumatorët. Siç u theksua gjatë diskutimit, konsumatorët presin që prania e një marke në një festival apo aktivitet dizajni të sjellë diçka konkrete në përvojën e tyre.
“Besimi ndërton themelet e një marke, por është përvoja ajo që ndërton lidhjen dhe besnikërinë”, u shpreh Kapetanovic.
Në rastin e IQOS x ZAMNA, ai e përmblodhi partneritetin me tri fjalë: kureshtje, ritëm dhe transformim. Kureshtja për të kërkuar diçka të re, ritmi që vjen natyrshëm me energjinë e një eventi live dhe transformimi që shoqëron evolucionin e këtij partneriteti.
Në këtë mënyrë, Madridi ishte një tjetër shembull se si një koncept i lindur mijëra kilometra larg mund të marrë një formë të re pa humbur identitetin e tij.
