Zbulohet një call center në Tiranë, 4 të arrestuar! 49 punonjës nën hetim

Policia e Tiranës ka zbuluar një call center në bulevardin “Gjergj Fishta”, ku kryhej mashtrim kompjuterik.

Në kuadër të operacionit “Hold on” janë arrestuar në flagrancë 4 organizatorë dhe drejtues të kësaj veprimtarie.

“Në kuadër të operacionit u arrestuan në flagrancë shtetasit E. K., 28 vjeç, A. J., 21 vjeç, E. D., 21 vjeç dhe M. M., 19 vjeç, të cilët dyshohet se administronin këtë veprimtari dhe/ose drejtonin grupet e punonjësve”, njofton policia.

Gjithashtu janë proceduar penalisht 49 punonjës, të cilët që u kapën në flagrancë, në këtë ambient.

Policia ka sekuestruar 107 pajisje nëpërmjet të cilave kryhej mashtrimi, si dhe materiale të tjera që do t’i shërbejnë hetimit.