Zelensky: Ukraina po pret për furnizime me raketa nga SHBA

Presidenti ukrainas, Volodymyr Zelensky deklaroi se Ukraina ka pritur për gati një muaj që sekretari i mbrojtjes i SHBA-së, Pete Hesgeth, të nënshkruajë marrëveshjen për furnizimet kritike me raketa.

Kjo vjen ndërsa Ukraina ka akuzuar Rusinë për shtimin e sulmeve ndaj infrastrukturës energjetike dhe civile të vendit.

“Unë e udhëzova ekipin tonë që ta ngrejë këtë çështje përsëri me palën amerikane”, tha Zelensky.

Udhëheqësi ukrainas i ka bërë vazhdimisht thirrje SHBA-së, e cila furnizon raketat e blera nga aleatët e NATO-s në kuadër të programit PURL, që të përshpejtojë dërgesat përpara dimrit.

Javën e kaluar, sekretari i shtetit amerikan, Marco Rubio, pranoi se një grup raketash interceptuese mund të mos jenë dorëzuar në Ukrainë, por tha se vonesa nuk ishte për arsye politike.

Megjithatë, vonesat në dorëzimin e raketave po shtojnë tensionet e Ukrainës me SHBA-në, përveç njoftimit të Donald Trump për një marrëveshje për naftë me Rusinë dhe një ndalim të sanksioneve të reja.